“مانچسٹر میں حیدر علی پر جنسی زیادتی کا الزام — پی سی بی نے فوری معطل کر دیا”

مانچسٹر:مانچسٹر پولیس نے پاکستانی کرکٹر حیدر علی سے متعلق اہم تفصیلات جاری کی ہیں۔ پولیس کے مطابق 4 اگست کو جنسی زیادتی کی شکایت درج کرائی گئی تھی، جب کہ یہ واقعہ مبینہ طور پر 23 جولائی کو مانچسٹر میں پیش آیا۔تحقیقات کے دوران 24 سالہ حیدر علی کو گرفتار کیا گیا، تاہم انہیں ضمانت پر رہا کر دیا گیا ہے۔ پولیس نے انہیں دو ہفتے بعد دوبارہ طلب کیا ہے اور برطانیہ چھوڑنے پر پابندی عائد کر دی ہے۔یہ واقعہ پاکستان شاہینز کرکٹ ٹیم کے حالیہ دورہ انگلینڈ کے دوران پیش آیا۔ تاحال حیدر علی یا ان کے وکلاء کی جانب سے کوئی بیان سامنے نہیں آیا۔پاکستان کرکٹ بورڈ (PCB) نے مؤقف اختیار کیا ہے کہ حیدر علی مانچسٹر پولیس کے کرمنل کیس میں شامل تفتیش ہیں، اس لیے انہیں فوری طور پر معطل کر دیا گیا ہے۔