اسکینڈلز میں گھرے رہنے والی مشہور ٹک ٹاکر سامعہ حجاب ایک بار پھر سوشل میڈیا صارفین کی تنقید کی زد میں آگئی ہیں۔ ان کے ایک تازہ وائرل بیان نے ایک نیا تنازع کھڑا کر دیا ہے جس میں انہوں نے کھل کر اعتراف کیا ہے کہ وہ دبئی میں ایک ایسے بوائے فرینڈ کی تلاش میں ہیں جو انہیں مالی مدد فراہم کر سکے۔
وائرل ویڈیو میں سامعہ حجاب کا کہنا تھا کہ وہ اس وقت اپنی مالی ذمہ داریاں خود سنبھال رہی ہیں، لیکن تین ماہ سے سنگل ہونے کے باعث اب وہ سنجیدگی سے بوائے فرینڈ ڈھونڈ رہی ہیں۔ ان کا کہنا تھا:
“دبئی میں لڑکیوں کے لیے بغیر بوائے فرینڈ کے زندگی گزارنا مشکل ہے۔ مجھے واقعی ایک بوائے فرینڈ چاہیے جو سپورٹ کرے۔ بڑے دل والے لڑکے لڑکیوں پر خرچ کرتے ہیں۔”
سامعہ کے اس بیان نے سوشل میڈیا پر شدید غم و غصے کو جنم دیا۔ متعدد صارفین نے اسے ’’گھٹیا سوچ‘‘ اور ’’غلط معاشرتی رویے‘‘ کی مثال قرار دیا۔ کچھ نے کہا کہ وہ بوائے فرینڈ نہیں بلکہ صرف امیر مرد تلاش کر رہی ہیں، جبکہ دیگر نے خبردار کیا کہ ’’جو مفت خرچ کرے گا وہ بدلے میں غلط تعلقات کی توقع رکھے گا۔‘‘
صارفین نے اس طرح کے بیانات کو نوجوانوں پر منفی اثر قرار دیتے ہوئے کہا کہ اس طرزِ فکر سے معاشرتی بگاڑ میں اضافہ ہوتا ہے۔
