لاہور – چیئرمین سینیٹ یوسف رضا گیلانی نے کہا ہے کہ دعا ہے کہ پاکستان، امریکہ اور ایران کے درمیان صلح کروانے میں کامیاب ہو۔
لاہور میں میڈیا سے گفتگو کرتے ہوئے انہوں نے کہا کہ ایران اور امریکہ کے درمیان ثالثی کا کردار ادا کرنا پاکستان کی فتح ہے۔ ان کا کہنا تھا کہ ایران اور امریکہ کی جنگ سے دنیا کی معیشت شدید متاثر ہو رہی ہے۔
سیاسی جماعتوں سے اپیل
یوسف رضا گیلانی نے کہا کہ تمام سیاسی جماعتوں کو ملک کی سالمیت اور معیشت کے لیے ایک ہونا ہو گا۔ انہوں نے زور دیا کہ موجودہ حالات میں قومی یکجہتی کی اشد ضرورت ہے۔
عمران خان کی رہائی پر گفتگو
چیئرمین سینیٹ نے بانی پی ٹی آئی عمران خان کی رہائی کے حوالے سے کہا کہ یہ معاملہ عدلیہ سے تعلق رکھتا ہے۔
گاڑی کے تنازع پر وضاحت
انہوں نے اپنی گاڑی کے حوالے سے پروپیگنڈے پر بھی ردعمل دیتے ہوئے کہا:
“میری گاڑی پر پروپیگنڈا کیا جا رہا ہے، گاڑی قوانین کے مطابق خریدی۔ اپوزیشن لیڈر اور دیگر کے لیے بھی گاڑیاں خریدی گئیں۔”
واضح رہے کہ گزشتہ روز پاکستان نے ایران اور امریکہ کے درمیان ثالثی کا کردار ادا کرنے کی پیشکش کی تھی، جسے دونوں ممالک کی جانب سے مثبت ردعمل ملا ہے۔
