جینیفر لوپیز کو استنبول کے فیشن اسٹور میں داخلے سے روکا گیا، ویڈیو سوشل میڈیا پر وائرل

ترکی کے شہر استنبول میں معروف امریکی گلوکارہ و اداکارہ جینیفر لوپیز کو ایک مشہور فیشن برانڈ کے اسٹور میں داخلے سے روک دیا گیا۔ غیر ملکی میڈیا کے مطابق، اسٹور کے سیکیورٹی گارڈز نے لوپیز کو یہ کہہ کر روک دیا کہ “اندر جگہ موجود نہیں”۔
گلوکارہ نے پرسکون انداز میں جواب دیتے ہوئے کہا، “ٹھیک ہے، کوئی بات نہیں” اور واپس چلی گئیں۔ اس واقعے کی ویڈیو ایک مداح نے ریکارڈ کر کے سوشل میڈیا پر شیئر کی، جو دیکھتے ہی دیکھتے وائرل ہوگئی۔

بعد میں جب اسٹور کے عملے کو اپنی غلطی کا احساس ہوا تو انہوں نے جینیفر لوپیز کو دوبارہ آنے کی دعوت دی، مگر گلوکارہ نے انکار کر دیا اور دیگر برانڈز سے خریداری جاری رکھی۔

جینیفر لوپیز ان دنوں اپنی “Up All Night: Live” کنسرٹ ٹور کے سلسلے میں ترکی میں موجود ہیں، جس کا اختتام 12 اگست کو ہوگا۔ حال ہی میں وہ اپنی 56ویں سالگرہ منا چکی ہیں اور جلد ہی فلم “Kiss of the Spider Woman” میں جلوہ گر ہوں گی جو 2027 میں ریلیز ہوگی۔