لاہور:
معروف یوٹیوبر سعد الرحمان المعروف ڈکی بھائی کے جسمانی ریمانڈ میں پانچ روز کی توسیع کردی گئی ہے۔
رپورٹ کے مطابق ڈکی بھائی کو 4 روزہ جسمانی ریمانڈ مکمل ہونے پر عدالت میں پیش کیا گیا، جہاں جوڈیشل مجسٹریٹ نعیم وٹو نے کیس کی سماعت کی۔
نیشنل سائبر کرائم انوسٹی گیشن ایجنسی نے عدالت سے مزید جسمانی ریمانڈ کی استدعا کی تاکہ معاملے کی مزید تحقیقات مکمل کی جا سکیں۔ عدالت نے ایجنسی کی درخواست منظور کرتے ہوئے ڈکی بھائی کے ریمانڈ میں پانچ روز کا اضافہ کردیا۔
واضح رہے کہ ڈکی بھائی پر الزام ہے کہ انہوں نے اپنی یوٹیوب ویڈیوز میں جوئے کی ایپس کو پروموٹ کیا، جس پر ان کے خلاف مقدمہ درج کیا گیا ہے۔
