ممبئی:بالی ووڈ کی معروف اداکارہ کترینہ کیف ایک بار پھر خبروں کی زینت بن گئیں جب ان کی مبینہ طور پر حاملہ ہونے کی تصاویر سوشل میڈیا پر تیزی سے وائرل ہو گئیں۔
بھارتی میڈیا رپورٹس کے مطابق ایک آن لائن پورٹل نے اداکارہ کترینہ کیف کی چند نجی تصاویر شیئر کی ہیں جو مبینہ طور پر ان کے ممبئی کے اپارٹمنٹ کی بالکونی میں لی گئی تھیں۔
ان تصاویر میں کترینہ کیف کو ڈھیلے کپڑوں میں دیکھا جا سکتا ہے، جس پر قیاس آرائیاں کی جا رہی ہیں کہ وہ تین ماہ کی حاملہ ہیں۔
تصاویر وائرل ہونے کے بعد سوشل میڈیا صارفین نے اداکارہ کی پرائیویسی کی خلاف ورزی پر شدید ردعمل دیا۔
کئی صارفین نے مطالبہ کیا کہ ایسی ذاتی نوعیت کی تصاویر شیئر کرنے والوں کے خلاف قانونی کارروائی کی جائے۔
اداکارہ سوناکشی سنہا نے بھی کترینہ کیف کی تصاویر وائرل ہونے پر میڈیا اور سوشل پلیٹ فارمز کو شدید تنقید کا نشانہ بنایا۔
یاد رہے کہ کترینہ کیف اور وکی کوشل نے حال ہی میں انسٹاگرام پوسٹ کے ذریعے مداحوں کو خوشخبری سنائی تھی کہ ان کے ہاں ننھے مہمان کی آمد متوقع ہے۔
