لاہور: (آوازنیوز) پاکستان کرکٹ بورڈ (پی سی بی) نے پاکستان سپر لیگ (پی ایس ایل) 10 کے 2 میچ ری شیڈول کر دیئے۔پی سی بی کی جانب سے جاری بیان کے مطابق یکم مئی کو ملتان کا میچ لاہور منتقل کر دیا گیا ہے، یکم مئی کو ملتان سلطانز اور کراچی کنگز لاہور میں مد مقابل ہوں گی، میچ کا آغاز سہ پہر تین بجے ہو گا۔اس سے قبل یہ میچ ڈے میں ملتان سٹیڈیم میں کھیلا جانا تھا، قذافی سٹیڈیم میں یکم مئی کو اب ڈبل ہیڈر ہو گا، یکم مئی کو رات میں لاہور قلندرز اور کوئٹہ گلیڈی ایٹرز کے درمیان بھی میچ ہو گا۔11 مئی کو ملتان سلطانز اور کوئٹہ گلیڈی ایٹرز کے درمیان میچ ملتان میں ہو گا، یہ میچ 10 مئی کو ڈے میں ملتان میں شیڈول تھا، شیڈول میں تبدیلی کئی بار مشاورت کے بعد کی گئی، تبدیلی کا فیصلہ آپریشنل آسانی اور حالیہ ہیٹ ویو کے پیش نظر کیا گیا ہے۔پی سی بی کا کہنا ہے کہ یکم مئی کو ملتان کے میچ کے ٹکٹ واپس کر دیئے جائیں گے جبکہ لاہور میں یکم مئی کے ٹکٹ ہولڈر اب ڈبل ہیڈر انجوائے کریں گے، ملتان میں 10 مئی کے میچ کے ٹکٹ 11 مئی کو کارآمد ہوں گے۔
