ڈارون: – پاکستان شاہینز نے ٹاپ اینڈ ٹی20 سیریز کے افتتاحی میچ میں بنگلادیش اے کو 79 رنز سے شکست دے دی۔
آسٹریلیا کے شہر ڈارون میں کھیلے گئے میچ میں پاکستان شاہینز نے پہلے بیٹنگ کرتے ہوئے 20 اوورز میں 4 وکٹوں کے نقصان پر 227 رنز بنائے۔ خواجہ نافع نے 61، یاسر خان نے 62 اور عبدالصمد نے ناقابل شکست 56 رنز کی شاندار اننگز کھیلی۔
ہدف کے تعاقب میں بنگلادیش اے کی پوری ٹیم 17ویں اوور میں 148 رنز پر آؤٹ ہو گئی۔ فیصل اکرم اور سعد مسعود نے بہترین بولنگ کا مظاہرہ کرتے ہوئے 3،3 وکٹیں حاصل کیں۔
پاکستان شاہینز اپنا اگلا میچ ہفتے کو پرتھ سکارچر اکیڈمی کے خلاف کھیلے گی۔
