لاہور: قومی ٹیم کے اوپنر فخر زمان کا نیشنل کرکٹ اکیڈمی لاہور میں ری ہیب جاری ہے، جس کے بعد ان کی ٹیم میں واپسی کے امکانات بڑھ گئے ہیں۔
ذرائع کے مطابق فخر زمان کی انجری سنگین نوعیت کی نہیں اور وہ ری ہیب مکمل کرکے چند روز میں مکمل فٹنس حاصل کر لیں گے۔ دوسری جانب سلیکشن کمیٹی نے ٹرائی نیشن سیریز کے ممکنہ اسکواڈ پر ابتدائی مشاورت کرلی ہے۔
سلیکٹرز فخر زمان کی دستیابی کے لیے پرامید ہیں۔ کپتان سلمان علی آغا اور ہیڈ کوچ مائیک ہیسن کی باضابطہ میٹنگ کے بعد ٹرائی نیشن سیریز اور ایشیا کپ کے اسکواڈ کا اعلان متوقع ہے جو منگل یا بدھ کو سامنے آسکتا ہے۔ اس دوران نوجوان فاسٹ باؤلر سلمان مرزا کی شمولیت یقینی قرار دی جارہی ہے۔
