کرکٹ کی معروف ویب سائٹ کرک اِنفو کی ایک مختصر سی ٹوئٹ نے گزشتہ روز سوشل میڈیا پر تہلکہ مچا دیا۔ ٹوئٹ میں بھارتی ویمنز لیگ (WPL) کے آکشن سے متعلق ایک ایسی بات کہی گئی جس نے صارفین کو چند لمحوں کے لیے حیران و پریشان کردیا۔
ویب سائٹ نے اپنی پوسٹ میں لکھا:
’’انوشکا شرما کو 45 لاکھ روپے میں جی جی نے خرید لیا‘‘
یہ ٹوئٹ پڑھتے ہی سوشل میڈیا پر تبصروں کا سیلاب امڈ آیا کیونکہ معروف بالی ووڈ اداکارہ انوشکا شرما کا کرکٹ آکشن میں نام آنا بذاتِ خود ایک غیر معمولی بات تھی۔
تاہم چند سیکنڈوں بعد ہی صارفین سمجھ گئے کہ ٹوئٹ میں جس “انوشکا شرما” کا ذکر ہے، وہ دراصل ایک ابھرتی ہوئی خاتون کرکٹر ہیں، نہ کہ ویرات کوہلی کی اہلیہ اور بالی ووڈ اسٹار۔
ٹوئٹ نے اپنی ذو معنی ساخت کے سبب چند لمحوں کے لیے سوشل میڈیا کو کنفیوز کیا، بعد ازاں کئی صارفین نے اس ’لفظی کھیل‘ پر مزاحیہ تبصرے بھی کیے۔ کچھ نے کرک اِنفو کو “کلک بیٹ ماسٹر” قرار دیا جبکہ دیگر نے کہا کہ ٹوئٹ نے انہیں چند لمحوں کے لیے چونکا ضرور دیا مگر یہی اس کی چالاکی تھی۔
WPL آکشن میں شامل کم عمر کھلاڑی انوشکا شرما کو گجرات جائنٹس (GG) نے 45 لاکھ روپے میں اسکواڈ کا حصہ بنایا ہے۔
