لاہور: (آواز نیوز) معروف اداکار، رائٹر اور ہدایتکار جمیل بِسمل کو دنیا سے رخصت ہوئے20 برس بیت گئے ہیں۔اداکار، رائٹر اور ہدایت کار جمیل بسمل کی آج برسی منائی جا رہی ہے، انہوں نے 1974ء میں چلڈرن تھیٹر کی بنیاد ڈالی، سٹیج کیلئے 60 ڈرامے لکھے، 600 میں اداکاری کی، ان کا لکھا تھیٹر ڈرامہ ”ہاؤس فل“عوام کی بھرپور پسندیدگی کا باعث بنا۔جمیل بسمل نے 360 ٹی وی ڈراموں اور درجن سے زائد فلموں جن میں ’’نادان‘‘، ’’پہچان‘‘ اور ’’منجھی کتھے ڈانواں‘‘ میں اداکاری کے جوہر دکھائے1990ء میں جمیل بسمل کو ان کی فنی خدمات کے اعتراف میں پرائیڈ آف پرفارمنس سے نوازا گیا، انہوں نے نیشنل ایوارڈ سمیت کئی دیگر اعزازات بھی اپنے نام کئے۔سٹیج، فلم اور ٹی وی کا یہ روشن ستارہ 12 مئی 2005 کو 63 سال کی عمر میں دنیا سے رخصت ہوگیا۔
