لاہور: (ویب ڈیسک) سوشل میڈیا پر کم عمر بچے کی دلچسپ ویڈیو وائرل ہوگئی جس میں وہ اپنے دوست کے ساتھ فیل ہونے کی خواہش کا اظہار کر رہا ہے۔فوٹو اور ویڈیو شیئرنگ ایپ انسٹاگرام پر کم عمر بچے کی ویڈیو زیر گردش ہے جس میں وہ والدہ کے ساتھ گفتگو کر رہا ہے اور لوگ اس کی گفتگو سن کر قہقہے لگائے بغیر نہ رہ سکے۔ویڈیو میں والدہ کہتی ہیں کہ تم کو یہ سوچنا ہے کہ میں کلاس میں سب سے آگے رہوں، ٹاپ کرو، لیکن ساتھ میں سر ہلانے کے بجائے لڑکے نے انہیں مضحکہ خیز جواب دے کر حیران کر دیا، بچہ کہتا ہے کہ نہیں ہم کو اپنے دوست کے ساتھ پیچھے رہ جانا ہے۔والدہ جواب دیتی ہیں کہ پیچھے ’بوکا‘ لوگ رہتے ہیں، جس پر بچہ فوری جواب دیتا ہے کہ ہم کو تو ’بوکا‘ ہی رہنا ہے، ویڈیو شیئر کرتے ہوئے کیپشن میں لکھا گیا کہ ’جب دوست مطالعہ سے زیادہ اہم ہوتے ہیں۔‘
