پٹسبرگ (امریکا): امریکا میں ایک فیس بک پیج کی جانب سے بڑے پیمانے پر کوکیز کے تبادلے کی منفرد تقریب منعقد کی گئی جس میں 83 ہزار 427 کوکیز بنا کر گینیز ورلڈ ریکارڈ بنانے کی کوشش کی گئی۔
یہ کوشش ویڈنگ کوکی ٹیبل کمیونٹی نامی فیس بک گروپ نے امریکی ریاست پینسلوینیا کے شہر پٹسبرگ میں منعقد کی۔ اس ایونٹ میں امریکا کی 14 ریاستوں اور نیوزی لینڈ سے 583 بیکرز نے 67 ٹیموں کی صورت میں حصہ لیا۔
تقریب میں بیکرز نے 83,427 کوکیز واشنگٹن کاؤنٹی فیئر گراؤنڈز میں ٹیم ٹیبلز پر پیش کیں، جن میں سے 78,835 کوکیز کا آخر میں تبادلہ بھی کیا گیا۔
ویڈنگ کوکی ٹیبل کمیونٹی کی بانی لارا میگون کے مطابق یہ کوکیز کرسمس تھیم کے مطابق تیار کی گئی تھیں۔
منتظمین کے مطابق اس تقریب کے تمام شواہد گینیز ورلڈ ریکارڈز کو جمع کرا دیے گئے ہیں اور امید ظاہر کی جا رہی ہے کہ یہ کوشش دنیا کے سب سے بڑے کرسمس کوکی ایکسچینج کیٹیگری میں شامل کر لی جائے گی۔
