“سہ ملکی سیریز: آج شارجہ میں افغانستان اور یو اے ای مدمقابل”

شارجہ: سہ ملکی سیریز میں آج افغانستان اور متحدہ عرب امارات کی ٹیمیں شارجہ کرکٹ اسٹیڈیم میں آمنے سامنے ہوں گی۔

میچ پاکستانی وقت کے مطابق رات 8 بجے کھیلا جائے گا۔ دونوں ٹیمیں اس سے قبل اپنے اپنے پہلے میچ میں پاکستان سے شکست کھا چکی ہیں۔

سہ ملکی سیریز کا پہلا میچ پاکستان اور افغانستان کے درمیان ہوا تھا، جس میں پاکستان نے 39 رنز سے کامیابی حاصل کی۔ دوسرا میچ پاکستان اور یو اے ای کے درمیان کھیلا گیا، جہاں گرین شرٹس نے 31 رنز سے فتح اپنے نام کی۔

کل بروز منگل پاکستان اور افغانستان اپنا دوسرا میچ کھیلیں گے جبکہ ٹورنامنٹ کی دو بہترین ٹیمیں 7 ستمبر کو فائنل میں مدمقابل ہوں گی۔