عالمی فٹبال تنظیم فیفا نے ورلڈ کپ 2026 کے گروپس کا باضابطہ اعلان کر دیا ہے۔ ڈراز کی تقریب میزبان ملک امریکا میں منعقد ہوئی جس میں امریکی صدر ڈونلڈ ٹرمپ نے بھی شرکت کی۔
فیفا ورلڈ کپ 2026 آئندہ برس امریکا، کینیڈا اور میکسیکو میں کھیلا جائے گا۔ ٹورنامنٹ میں پہلی بار 48 ٹیمیں شرکت کریں گی، جنہیں 4،4 ٹیموں پر مشتمل 12 گروپس میں تقسیم کیا گیا ہے۔
فیفا کے اعلان کے مطابق گروپ اے میں میزبان میکسیکو، جنوبی افریقا، جنوبی کوریا اور پلے آف ڈی کی کوالیفائر ٹیم شامل ہوگی۔ گروپ بی میں میزبان کینیڈا، قطر، سوئٹزرلینڈ اور پلے آف اے سے آنے والی ٹیم کو رکھا گیا ہے۔
گروپ سی میں برازیل، مراکش، اسکاٹ لینڈ اور ہیٹی شامل ہیں، جبکہ گروپ ڈی میں میزبان امریکا، آسٹریلیا، پیراگوئے اور پلے آف سی کی کوالیفائر ٹیم ہوگی۔
گروپ ای میں جرمنی، ایکواڈور، آئیوری کوسٹ اور کوراکاؤ شامل ہیں اور گروپ ایف میں نیدر لینڈز، جاپان، تیونس اور پلے آف بی کی کوالیفائر ٹیم شامل کی گئی ہے۔
گروپ جی میں بیلجیم، ایران، مصر اور نیوزی لینڈ شامل ہیں جبکہ گروپ ایچ میں اسپین، سعودی عرب، یوراگوئے اور کیپ وردے کو رکھا گیا ہے۔
گروپ آئی میں فرانس، سینیگال، ناروے اور پلے آف ٹو کی کوالیفائر ٹیم شامل ہوگی، جبکہ گروپ جے میں دفاعی چیمپیئن ارجنٹینا، آسٹریا، الجزائر اور اردن شامل ہیں۔
گروپ کے میں پرتگال، ازبکستان، کولمبیا اور پلے آف ون کی کوالیفائر ٹیم شامل کی گئی ہے، جبکہ گروپ ایل میں انگلینڈ، کروشیا، پانامہ اور گھانا کو شامل کیا گیا ہے۔
فیفا ورلڈ کپ 2026 کو ٹیموں اور میچز کی تعداد کے اعتبار سے تاریخ کا سب سے بڑا ورلڈ کپ قرار دیا جا رہا ہے۔
