دبئی: انڈر 19 ایشیا کپ کے گروپ اے کے اہم میچ میں پاکستان نے شاندار بیٹنگ کا مظاہرہ کرتے ہوئے ملائیشیا کو جیت کے لیے 346 رنز کا ہدف دے دیا۔
ملائیشیا نے ٹاس جیت کر پاکستان کو پہلے بیٹنگ کی دعوت دی، تاہم ابتدائی دو وکٹیں جلد گرنے کے باوجود سمیر منہاس اور احمد حسین نے بہترین ذمہ داری کا مظاہرہ کیا۔ دونوں کھلاڑیوں نے تیسری وکٹ کی شراکت میں 293 رنز کی تاریخی پارٹنرشپ قائم کی۔
پاکستان نے مقررہ 50 اوورز میں 3 وکٹوں کے نقصان پر 345 رنز بنائے۔
اس دوران سمیر منہاس نے شاندار بلے بازی کرتے ہوئے 177 رنز کی ناقابل شکست اننگز کھیلی، جس میں 8 چھکے اور 11 چوکے شامل تھے۔ دوسری جانب احمد حسین نے بھی 132 رنز کی عمدہ اننگز کھیلی اور ٹیم کے مجموعے میں اہم کردار ادا کیا۔
پاکستان کی جانب سے دیگر بیٹرز میں عثمان خان ایک رن بناکر آؤٹ ہوئے جبکہ علی حسن بلوچ 14 رنز بنا کر پویلین لوٹے۔ کپتان فرحان یوسف 8 رنز کے ساتھ ناٹ آؤٹ رہے۔
