لندن میں غیر معمولی پذیرائی کے بعد پاکستان سپر لیگ (پی ایس ایل) کا روڈ شو اب نیویارک میں منعقد ہونے جا رہا ہے۔ سپر پی ایس ایل کا میلہ آج سپر پاور امریکہ کے شہر نیویارک میں سجایا جائے گا، جہاں دنیا کے سب سے بڑے معاشی شہر میں تاریخ میں پہلی بار پی ایس ایل کے روڈ شو کی تیاریاں مکمل کر لی گئی ہیں۔
قومی کھلاڑیوں کے علاوہ پاکستان کرکٹ بورڈ کے چیئرمین محسن نقوی بھی نیویارک پہنچ چکے ہیں اور وہ پی ایس ایل نیویارک روڈ شو میں شرکت کریں گے۔ اس موقع پر امریکی اور اوورسیز پاکستانی سرمایہ کار بھی موجود ہوں گے، جو روڈ شو میں بھرپور دلچسپی لیں گے۔
چیئرمین پی سی بی محسن نقوی نے کہا کہ “اللہ تعالٰی کا شکر ادا کرتا ہوں کہ پی ایس ایل آج بین الاقوامی سطح پر جگمگا رہا ہے۔” انہوں نے مزید کہا کہ “ہمیں پوری امید ہے کہ لندن کی طرح نیویارک روڈ شو بھی کامیاب رہے گا اور پاکستانی کرکٹ کے لیے نئے مواقع پیدا کرے گا۔”
