پاکستان کرکٹ ٹیم کے فاسٹ بولر شاہین شاہ آفریدی نے کہا ہے کہ ہر ٹیم اپنی ہوم کنڈیشنز میں مضبوط ہوتی ہے، تاہم اصل فرق اس بات سے پڑتا ہے کہ ٹیم نے مقابلے کے لیے کتنی مؤثر تیاری کی ہے۔
Dhaka میں میڈیا سے گفتگو کرتے ہوئے شاہین آفریدی نے کہا کہ پاکستان ٹیم کے لیے ٹیسٹ کرکٹ کا ایک طویل سیزن شروع ہو رہا ہے، جو شاید پہلی بار اس نوعیت کا ہے۔
انہوں نے کہا کہ امید ہے کنڈیشنز ٹیم کے لیے سازگار ثابت ہوں گی اور کھلاڑی بہترین کارکردگی کا مظاہرہ کریں گے۔
فاسٹ بولر کا کہنا تھا کہ ٹیم کی نظریں صرف موجودہ ٹیسٹ سیریز پر نہیں بلکہ مکمل ICC World Test Championship پر مرکوز ہیں۔
انہوں نے واضح کیا کہ پاکستان ٹیم کا سو فیصد ہدف ٹیسٹ چیمپئن شپ کے فائنل تک رسائی حاصل کرنا ہے، اور اس مقصد کے لیے ہر میچ میں اعلیٰ معیار کی کرکٹ کھیلنا ضروری ہے۔
شاہین آفریدی نے کہا کہ بنگلادیش نے ماضی میں اپنے ہوم گراؤنڈ پر اسپن ٹریکس کا فائدہ اٹھاتے ہوئے کامیابیاں حاصل کی ہیں، تاہم پاکستان ٹیم نے ہر ممکن صورتحال کے لیے بھرپور تیاری کر رکھی ہے۔
انہوں نے مزید کہا کہ جس طرح دیگر ٹیمیں اپنی ہوم کنڈیشنز سے فائدہ اٹھاتی ہیں، پاکستان نے بھی اپنے اسپنرز کے لیے سازگار وکٹیں تیار کیں، جبکہ ٹیم گرین وکٹ پر کھیلنے کے لیے بھی مکمل طور پر تیار ہے۔
