لاہور (آواز نیوز) – قومی کرکٹ ٹیم کے سابق ٹیسٹ کرکٹر اور سلیکشن کمیٹی کے موجودہ رکن اسد شفیق کو پاکستان کرکٹ بورڈ (پی سی بی) کی جانب سے ایک اور اہم ذمہ داری سونپ دی گئی ہے۔ذرائع کے مطابق اسد شفیق کو ڈومیسٹک کرکٹ کی پرفارمنس اینالیسز اور ڈیولپمنٹ پروگرامز کی نگرانی کا ٹاسک دیا گیا ہے۔ وہ نوجوان کھلاڑیوں کی ٹریننگ، کارکردگی کا تجزیہ اور مستقبل کے ٹیلنٹ کی تلاش جیسے معاملات کی نگرانی کریں گے۔پی سی بی کا کہنا ہے کہ اسد شفیق کا تجربہ اور کرکٹ میں فہم و فراست ڈومیسٹک سسٹم کو بہتر بنانے میں اہم کردار ادا کرے گا۔یاد رہے کہ اسد شفیق پاکستان کی طرف سے 77 ٹیسٹ میچز کھیل چکے ہیں اور انہوں نے کرکٹ کے میدان میں عمدہ کارکردگی سے اپنی جگہ بنائی۔ کوچنگ اور تجزیاتی شعبوں میں بھی وہ اب متحرک کردار ادا کر رہے ہیں۔
