لاہور کی انسدادِ دہشت گردی عدالت نے 9 مئی تھانہ شادمان اور راحت بیکری جلاؤ گھیراؤ کیسز کا محفوظ فیصلہ سناتے ہوئے پی ٹی آئی رہنما شاہ محمود قریشی کو دونوں مقدمات میں بری کردیا۔ عدالت نے ڈاکٹر یاسمین راشد، میاں محمود الرشید، اعجاز چوہدری اور سابق گورنر پنجاب سرفراز چیمہ کو 10، 10 سال قید کی سزا سنائی۔مزید برآں، پی ٹی آئی رہنما عالیہ حمزہ اور صنم جاوید کو 5، 5 سال قید اور ایک، ایک لاکھ روپے جرمانہ عائد کیا گیا۔ فیصلہ انسدادِ دہشت گردی عدالت کے جج منظر علی گل نے سنایا۔تھانہ شادمان جلاؤ گھیراؤ کیس میں 12 ملزمان بری اور 13 کو سزا سنائی گئی جبکہ راحت بیکری جلاؤ گھیراؤ کیس میں 10 ملزمان بری اور 7 کو قید کی سزا سنائی گئی۔ بانی پی ٹی آئی کے گارڈ حافظ ارشد اور عائشہ بھٹہ کو بھی 10 سال قید کی سزا ہوئی۔
فیصلے میں واضح کیا گیا کہ مقدمے میں کل 45 ملزمان کا ٹرائل ہوا جن میں 25 گرفتار، 15 اشتہاری اور ایک ملزم کا انتقال ہوچکا ہے۔
