تربت (نمائندہ خصوصی) – فیلڈ مارشل چیف آف آرمی اسٹاف سید عاصم منیر (نشانِ امتیاز ملٹری، ہلالِ جرأت) نے تربت، بلوچستان کا دورہ کیا جہاں انہوں نے موجودہ سکیورٹی صورتحال، ترقیاتی اقدامات اور سماجی و معاشی منصوبوں کا جائزہ لیا۔
اس موقع پر وزیراعلیٰ بلوچستان، چیف سیکرٹری اور دیگر سول و عسکری حکام بھی موجود تھے۔
آرمی چیف کو “فتنۃ الہندوستان” کے خلاف کامیاب آپریشنز اور جاری ترقیاتی منصوبوں پر تفصیلی بریفنگ دی گئی۔
فیلڈ مارشل عاصم منیر نے کہا کہ بلوچستان کی ترقی اور عوامی مسائل کے حل کے لیے سول و ملٹری تعاون اور گڈ گورننس ناگزیر ہیں۔ انہوں نے فوجی جوانوں کے بلند حوصلے کو سراہتے ہوئے کہا کہ پاک فوج بلوچستان کے عوام کے ساتھ شانہ بشانہ کھڑی ہے تاکہ خطے میں امن، ترقی اور خوشحالی کو یقینی بنایا جا سکے۔
