اسلام آباد: یکم ستمبر سے پیٹرولیم مصنوعات کی قیمتوں میں معمولی کمی کا امکان ظاہر کیا جا رہا ہے۔
ذرائع کے مطابق آئندہ 15 روز کے لیے پیٹرول کی قیمت میں 61 پیسے فی لیٹر کمی متوقع ہے، جبکہ ہائی اسپیڈ ڈیزل کی قیمت میں 3 روپے 13 پیسے فی لیٹر کمی کا امکان ہے۔
اسی طرح مٹی کے تیل کی قیمت میں 1 روپے 57 پیسے فی لیٹر اور لائٹ ڈیزل آئل کی قیمت میں 2 روپے 61 پیسے فی لیٹر کمی کا امکان ہے۔
ذرائع کا کہنا ہے کہ اوگرا پیٹرولیم مصنوعات سے متعلق اپنی ورکنگ آج رات گئے وزارتِ پیٹرولیم کے ذریعے فنانس ڈویژن کو بھجوائے گا۔ اس کے بعد وزارتِ خزانہ وزیراعظم سے مشاورت کے بعد قیمتوں میں کمی کا نوٹیفیکیشن جاری کرے گی۔
