لاہور (نمائندہ خصوصی):
پاکستان مسلم لیگ (ن) کے صدر اور سابق وزیراعظم میاں نواز شریف لاہور سے لندن روانہ ہو گئے ہیں۔
خاندانی ذرائع کے مطابق نواز شریف قطر ایئرویز کی پرواز کے ذریعے لندن پہنچیں گے جہاں ان کا قیام تقریباً دو ہفتوں پر مشتمل ہوگا۔ اس دوران وہ اپنا معمول کا طبی معائنہ بھی کرائیں گے جبکہ مختلف سیاسی و ذاتی نوعیت کی اہم ملاقاتیں بھی متوقع ہیں۔
ذرائع نے بتایا کہ نواز شریف نے روانگی سے قبل پنجاب انسٹی ٹیوٹ آف نیوروسائنسز میں طبی چیک اپ کرایا تھا، جہاں ان کی گردن کی ایم آر آئی بھی کی گئی۔ انہیں پٹھوں میں درد کی شکایت لاحق تھی جس پر ماہرین نے مزید ٹیسٹ تجویز کیے تھے۔
یاد رہے کہ نواز شریف اس سے قبل رواں سال جون میں بھی لندن کا دورہ کر چکے ہیں۔
