واشنگٹن: (ویب ڈیسک) امریکی میڈیا نے انکشاف کیا ہے کہ اسرائیلی وزیراعظم نیتن یاہو نے قطر کے دارالحکومت دوحہ پر حملے سے 50 منٹ پہلے اس وقت کے امریکی صدر ڈونلڈ ٹرمپ کو آگاہ کیا تھا۔
رپورٹ کے مطابق تین اسرائیلی حکام نے بتایا کہ حملے سے قبل نیتن یاہو اور ٹرمپ کے درمیان سیاسی سطح پر بات چیت ہوئی، جس کے بعد فوجی حکام کے ذریعے تفصیلات فراہم کی گئیں۔
امریکی میڈیا کا کہنا ہے کہ اسرائیلی حکام نے واضح کیا کہ امریکا صرف دکھاوا کر رہا تھا۔ اگر صدر ٹرمپ چاہتے تو وہ حملہ رکوا سکتے تھے، لیکن انہوں نے ایسا نہیں کیا۔ حکام کے مطابق اگر ٹرمپ مخالفت کرتے تو اسرائیل قطر پر حملے کا فیصلہ ترک کر دیتا۔
واضح رہے کہ اسرائیل نے 9 ستمبر کو دوحہ میں حماس قیادت کو نشانہ بنایا تھا۔ اس وقت وائٹ ہاؤس نے کہا تھا کہ امریکا کو اطلاع اس وقت ملی جب اسرائیلی میزائل فضا میں موجود تھے اور صدر ٹرمپ کے پاس مخالفت کا کوئی موقع باقی نہیں تھا۔
