چین کا غزہ میں جنگ بندی اور دو ریاستی حل پر زور

بیجنگ: چینی وزیر خارجہ وانگ یی نے کہا ہے کہ چین غزہ میں جنگ بندی اور جنگ کے خاتمے کے لیے پُرعزم ہے۔

وانگ یی کے مطابق 2 برسوں سے جاری غزہ جنگ نے بے مثال انسانی المیے کو جنم دیا ہے۔ انہوں نے کہا کہ اسرائیلی کارروائیاں بین الاقوامی قوانین کی خلاف ورزی ہیں جو نہ صرف دو ریاستی حل کے امکانات کو خطرے میں ڈال رہی ہیں بلکہ مشرق وسطیٰ کے امن و استحکام کے لیے بھی نقصان دہ ہیں۔

چینی وزیر خارجہ نے عالمی برادری پر زور دیا کہ اسرائیل فلسطین تنازع کے حل کے لیے 3 اقدامات ناگزیر ہیں:

1. غزہ میں فوری اور جامع جنگ بندی۔
2. فلسطینی عوام کو اپنے علاقے پر حکمرانی کا حق۔
3. دو ریاستی حل کو مضبوطی سے قائم رکھنا۔

وانگ یی نے یہ بھی کہا کہ عالمی برادری فلسطین کی اقوام متحدہ میں مکمل رکنیت کی حمایت کرے تاکہ پائیدار امن کے راستے ہموار کیے جا سکیں۔