اسلام آباد:دفتر خارجہ نے بتایا ہے کہ عام شہریوں کو دبئی کے ویزا نہ ملنے سے متعلق سینیٹ کمیٹی میں دی گئی وزارت داخلہ کی بریفنگ دراصل پرانے ریکارڈ پر مبنی تھی، جو موجودہ صورتحال کی درست عکاسی نہیں کرتی۔
ترجمان دفتر خارجہ طاہر اندرابی نے اسلام آباد میں میڈیا بریفنگ کے دوران وضاحت کی کہ متحدہ عرب امارات نے پاکستانی شہریوں کے لیے ویزوں پر کوئی نئی پابندی عائد نہیں کی۔ انہوں نے کہا کہ یو اے ای میں تعینات پاکستانی سفیر شفقت علی خان نے بھی اس حوالے سے افواہوں اور قیاس آرائیوں کی سختی سے تردید کی ہے۔
ترجمان نے واضح کیا کہ قائمہ کمیٹی کو دی گئی بریفنگ شاید پرانی معلومات کی بنیاد پر تیار کی گئی تھی، جبکہ عملاً یو اے ای پاکستان سے متعلق ویزا پالیسی میں کوئی نیا اقدام نہیں کر رہا۔
