امریکا میں بھارتی شہریوں پر زمین تنگ، ویزا مدت سے زیادہ قیام پر ملک بدری، مستقل سفری پابندی کا سامنا

واشنگٹن: (آواز نیوز) امریکا کا بھارتی شہریوں کو سخت انتباہ، ویزا مدت سے زیادہ قیام پر ملک بدری اور مستقل سفری پابندی کا سامنا کرنا پڑے گا۔امریکا سے غیر قانونی بھارتی شہریوں کا انخلا جاری ہے، ٹرمپ انتظامیہ کی جانب سے بھارتی شہریوں پر زمین تنگ، ملک سے نکالنے کی دھمکی دے دی گئی۔امریکی سفارتخانے کے مطابق امریکی سرزمین پر قوانین کی خلاف ورزی برداشت نہیں کی جائے گی، اگر کوئی امریکا میں اپنے ویزا کی مقررہ مدت سے زیادہ قیام کرتا ہے تو اس کو ملک بدر کیا جا سکتا ہے، مستقبل میں امریکا کا سفر کرنے پر مستقل پابندی کا سامنا بھی کرنا پڑ سکتا ہے۔امریکا میں 7.25 لاکھ بھارتی غیر قانونی طور پر مقیم ہیں اور اس تعداد میں مسلسل اضافہ جاری ہے، 2023 میں 51 ہزار بھارتیوں نے امریکا میں پناہ کی درخواست دی، گزشتہ 5 سال میں 470 فیصد اضافہ ہوا۔امریکی سفارتخانے کے مطابق مودی کے زیر حکومت بے روزگاری خطرناک حدوں کو چھونے لگی، اپریل 2025 میں شرح 5.1 فیصد تک جا پہنچی، شہری علاقوں میں بے روزگاری 6.5 فیصد ہے۔امریکی سفارتخانے کے مطابق بھارت میں بیروزگاری سے نوجوان سب سے زیادہ متاثر ہوئے، معاشی بدحالی اور بے روزگاری کے باعث بھارتی شہریوں کی امریکا ہجرت میں خطرناک حد تک اضافہ ہوا۔