کراچی: (آواز نیوز) نیشنل ویمنز ٹی ٹوئنٹی ٹورنامنٹ میں سٹارز فائنل میں پہنچ گئی۔نیشنل ویمنز ٹی ٹوئنٹی ٹورنامنٹ کے کوالیفائر میں سٹارز نے چیلنجرز کو 6 رنز سے شکست دے دی، 24 مئی کو ہونے والے فائنل میں سٹارز کا مقابلہ کانکررز سے ہوگا، نیشنل بینک سٹیڈیم میں سٹارز نے پہلے بیٹنگ کرتے ہوئے20 اوورز میں 8 وکٹوں پر 134 رنز بنائے۔طوبیٰ حسن 35، حورینہ سجاد 34 اور سدرہ نواز 33 رنز کے ساتھ نمایاں رہیں، رامین شمیم نے14 رنز دے کر 3 وکٹیں حاصل کیں، چیلنجرز جواب میں 20 اوورز میں 8 وکٹوں پر 128 رنز بنانے میں کامیاب ہوسکی۔یسریٰ عامر 45 رنز کے ساتھ ٹاپ سکورر رہیں، نتالیہ پرویز نے 28 اور صدف شمس نے27 رنز بنائے، آخری 6 وکٹیں صرف25 رنز کے اضافے پر گرگئیں، فاطمہ زہرہ نے 15 رنز دے کر3 وکٹیں حاصل کیں، فاطمہ زہرہ پلیئر آف دی میچ قرار پائیں۔
