میڈیکل سائنس کی دنیا میں ایک حیرت انگیز واقعہ سامنے آیا ہے جہاں 23 سالہ ذہنی مریضہ کے پیٹ سے بغیر آپریشن کے ایک دھاتی تالا کامیابی سے نکال لیا گیا۔رپورٹس کے مطابق، مریضہ ذہنی بیماری کے باعث مختلف اشیاء نگلنے کی عادت میں مبتلا تھی۔ جب اس نے دھاتی تالا نگل لیا تو اہل خانہ اسے فوری طور پر اسپتال لے گئے۔ڈاکٹرز نے ابتدائی اسکین اور معائنہ کے بعد فیصلہ کیا کہ مریضہ کی حالت کو مدنظر رکھتے ہوئے کھلی سرجری کی بجائے اینڈوسکوپی (endoscopy) کے ذریعے تالے کو نکالنے کی کوشش کی جائے۔ماہرین کی ٹیم نے کامیابی سے اینڈوسکوپک طریقے سے بغیر کسی کٹ یا آپریشن کے تالا باہر نکال لیا۔ مریضہ کی حالت اب خطرے سے باہر ہے۔ڈاکٹرز نے اس واقعے کو “خطرناک مگر خوش قسمتی سے کامیاب مداخلت” قرار دیا، اور اہل خانہ سے کہا کہ مریضہ کی مکمل ذہنی نگہداشت جاری رکھی جائے۔
