اسلام آباد: پاکستان تحریک انصاف (پی ٹی آئی) نے یوم آزادی کے موقع پر اسلام آباد میں ریلی نکالنے کا اعلان کیا ہے، جس کی قیادت پارٹی صدر عامر مغل کریں گے۔
ریلی رات 9 بجے زیرو پوائنٹ سے شروع ہو گی۔ عامر مغل نے کارکنوں کو ہدایت دی ہے کہ ایک ہاتھ میں پاکستان کا جھنڈا اور دوسرے ہاتھ میں پی ٹی آئی کا جھنڈا اور عمران خان کی تصویر لے کر شریک ہوں۔
انہوں نے واضح کیا کہ پارٹی ہدایت کے مطابق کسی قسم کا احتجاج نہیں ہو گا، صرف جشن آزادی منایا جائے گا۔
