بھارت میں مودی حکومت کی پالیسیوں پر اسرائیلی بیانیے کی واضح چھاپ سامنے آ گئی۔ کانگریس رہنما پریانکا گاندھی نے فلسطینی عوام پر اسرائیلی مظالم کی مذمت کرتے ہوئے مودی سرکار کی خاموشی کو “شرمناک” اور فلسطین سے متعلق موقف کو “فریب پر مبنی” قرار دیا۔
اسرائیل کے سفیر ریوین آزر نے پریانکا گاندھی کے بیان کو شرمناک قرار دے کر بھارتی پالیسیوں پر اسرائیلی اثر و رسوخ کا ثبوت پیش کر دیا۔ مبصرین کے مطابق بھارت اور اسرائیل کے درمیان صرف دفاعی یا تکنیکی نہیں بلکہ نظریاتی گٹھ جوڑ بھی موجود ہے۔
مودی حکومت پر اسرائیلی سرپرستی اور دباؤ کی پالیسیوں کے خلاف بھارت کے اندر سے بھی آوازیں اٹھنے لگی ہیں، جو خطے کے امن و استحکام کے لیے سنگین خطرہ قرار دی جا رہی ہیں۔
