لاہور کی سیشن عدالت نے 16 سالہ لڑکی سے زیادتی کے مقدمے کا فیصلہ سناتے ہوئے مجرم غلام نبی کو عمر قید اور 10 ہزار روپے جرمانہ عائد کر دیا۔
ایڈیشنل سیشن جج منصور احمد قریشی نے تحریری فیصلہ جاری کرتے ہوئے کہا کہ استغاثہ کی جانب سے پیش کردہ شواہد اور گواہیوں نے جرم کو بلا شبہ ثابت کیا ہے۔
فیصلے کے مطابق سرکاری وکیل شہلہ چوہدری نے عدالت میں 13 گواہوں کے بیانات ریکارڈ کروائے۔ ان بیانات سے یہ حقیقت سامنے آئی کہ ملزم نے مدعی کی بیٹی کو مسلسل 3 ماہ تک زیادتی کا نشانہ بنایا جس کے نتیجے میں متاثرہ لڑکی حاملہ ہو گئی۔
عدالت نے اپنے فیصلے میں مزید کہا کہ ملزم کا بیان اور مؤقف اس کی بے گناہی ثابت کرنے میں ناکام رہا، جبکہ فراہم کردہ شہادتیں جرم کے وقوع کو واضح طور پر ثابت کرتی ہیں۔
