اسلام آباد:انسداد دہشت گردی عدالت اسلام آباد نے 26 نومبر احتجاج کیس اور سپریم کورٹ کے باہر مظاہرے کے مقدمات میں پاکستان تحریک انصاف (پی ٹی آئی) کی رہنما بشریٰ بی بی، عمر ایوب اور دیگر رہنماؤں کی ضمانت قبل از گرفتاری میں 13 نومبر تک توسیع کر دی۔عدالت میں سماعت انسداد دہشت گردی عدالت کے جج ابوالحسنات محمد ذوالقرنین نے کی، جس میں پی ٹی آئی رہنما شیر افضل مروت اور سابق وزیراعظم آزاد کشمیر عبدالقیوم نیازی بھی پیش ہوئے۔
🔴 عدالت کے اہم نکات:
- پولیس کو ملزمان کی گرفتاری سے 13 نومبر تک روک دیا گیا۔
- عمر ایوب، زرتاج گل اور دیگر کی حاضری سے استثنا کی درخواستیں منظور کر لی گئیں۔
- عدالت نے آئندہ سماعت پر فریقین کو دلائل دینے کی ہدایت کی۔
