اسلام آباد: انسداد دہشت گردی عدالت اسلام آباد نے پی ٹی آئی کے سنگجانی جلسے پر درج مقدمات میں پاکستان تحریک انصاف کے اہم رہنماؤں عمر ایوب، زرتاج گل، زین قریشی اور علی بخاری کے ناقابلِ ضمانت وارنٹ گرفتاری جاری کر دیے۔
انسداد دہشت گردی عدالت کے جج طاہر عباس سپرا نے مقدمے کی سماعت کی، عدالت نے حکم دیا کہ تمام نامزد رہنماؤں کو گرفتار کر کے آئندہ سماعت پر پیش کیا جائے۔
دورانِ سماعت پی ٹی آئی رہنما شیر افضل مروت کی جانب سے کیس ٹرانسفر کی درخواست دائر کی گئی، جس پر عدالت نے نوٹسز جاری کرتے ہوئے فریقین سے دلائل طلب کر لیے۔
عدالت نے کیس کی مزید سماعت 23 اکتوبر تک ملتوی کر دی۔
