لاہور (ویب ڈیسک): بلغاریہ کی مشہور نابینا نجومی بابا وانگا کی 2026 سے متعلق مبینہ پیش گوئیاں ایک بار پھر عالمی توجہ کا مرکز بن گئی ہیں، جن میں خوفناک عالمی واقعات، تباہ کن قدرتی آفات اور انسانوں کے مستقبل سے متعلق حیران کن دعوے شامل ہیں۔
■ قدرتی آفات میں خطرناک اضافہ
بابا وانگا نے پیش گوئی کی تھی کہ 2026 میں بڑے زلزلوں، آتش فشانی دھماکوں اور شدید موسمی تبدیلیوں میں ریکارڈ اضافہ ہوگا، جس سے دنیا کے 7 سے 8 فیصد رقبے کے براہِ راست متاثر ہونے کا خدشہ ہے۔
ماہرین کے مطابق موجودہ کلائمیٹ چینج اور شدید طوفانوں کی حالیہ لہر کے باعث یہ وارننگ مزید تشویش پیدا کرتی ہے۔
■ عالمی جنگ اور جغرافیائی کشیدگی
پیش گوئیوں میں تیسری عالمی جنگ کا خطرہ بھی نمایاں ہے۔ کہا جاتا ہے کہ 2026 میں روس، چین اور امریکا کے درمیان تناؤ انتہائی حد تک پہنچ سکتا ہے۔
بعض رپورٹس کے مطابق مشرق سے شروع ہونے والا بڑا تنازع مغرب تک پھیل سکتا ہے، جو عالمی امن کے لیے بڑا چیلنج ہوگا۔
■ مصنوعی ذہانت کی بالادستی
بابا وانگا نے ٹیکنالوجی کے شعبے سے متعلق خبردار کیا کہ مصنوعی ذہانت (AI) 2026 میں انسانی کنٹرول سے باہر ہوکر زندگی کے بڑے شعبوں پر غالب آ سکتی ہے۔
یہ پیش گوئی تیزی سے بڑھتی AI ٹیکنالوجی اور اس کے ممکنہ سماجی و معاشی اثرات پر مزید سوالات کھڑے کرتی ہے۔
■ خلائی مخلوق سے پہلا رابطہ؟
سب سے حیران کن دعویٰ یہ ہے کہ نومبر 2026 میں پہلی بار انسانوں کا خلائی مخلوق یا کسی بیرونی تہذیب سے باقاعدہ رابطہ ممکن ہے۔
وانگا نے ایک عظیم خلائی جہاز کے زمین کے قریب آنے کا ذکر بھی کیا، جو اگر سچ ثابت ہوا تو انسانی تاریخ کا سب سے منفرد واقعہ ہو سکتا ہے۔
