فیلڈ مارشل نے بھارت کو سخت وارننگ دیتے ہوئے کہا ہے کہ بھارت کسی بھی قسم کی خود فریبی میں مبتلا نہ رہے۔ انہوں نے واضح کیا کہ اگر بھارت نے دوبارہ کسی اشتعال انگیزی کی کوشش کی تو پاکستان کا جواب پچھلی بار سے بھی زیادہ برق رفتار، شدید اور بھرپور ہوگا۔
انہوں نے کہا کہ پاکستان کی مسلح افواج ہر لمحہ تیار ہیں اور کسی بھی جارحیت کا جواب دینے کی مکمل صلاحیت رکھتی ہیں۔ فیلڈ مارشل کے مطابق خطے میں امن برقرار رکھنا پاکستان کی اولین ترجیح ہے، تاہم دشمن کی جانب سے کسی بھی غلط فہمی یا مہم جوئی کا نتیجہ بھارت کو بھاری قیمت چکا کر ہی سمجھ آئے گا۔
انہوں نے مزید کہا کہ پاکستان کی دفاعی لائن پہلے سے زیادہ مضبوط، جدید ٹیکنالوجی سے لیس اور ہر سطح پر فعال ہے۔ بھارت کو چاہیے کہ زمینی حقائق کو سمجھے اور اشتعال انگیزی کی راہ ترک کرے، کیونکہ آئندہ پاکستان کا ردِ عمل ’’انتہائی سخت اور فیصلہ کن‘‘ ہوگا۔
