سابق امریکی صدر ڈونلڈ ٹرمپ نے بھارت کے وزیرِ اعظم نریندر مودی کو واضح تنبیہ کرتے ہوئے کہا ہے کہ امریکہ بھارت سے درآمد ہونے والی متعدد اشیا پر مزید اضافی ٹیرف عائد کرے گا۔ ٹرمپ کا کہنا ہے کہ بھارت کی جانب سے امریکہ کے لیے مارکیٹ رسائی محدود ہے، جبکہ واشنگٹن بھارتی مصنوعات کے لیے بڑی منڈی فراہم کر رہا ہے، اس لیے تجارتی توازن قائم کرنا ضروری ہے۔
ٹرمپ نے بیان میں کہا کہ اگر بھارت نے امریکی مصنوعات کے لیے رکاوٹیں کم نہ کیں تو امریکہ بھارتی درآمدات پر سخت ڈیوٹیز نافذ کرے گا۔ تجزیہ کاروں کا ماننا ہے کہ اس اعلان سے دونوں ممالک کے درمیان تجارتی تعلقات میں تناؤ بڑھ سکتا ہے، جبکہ بھارت کو امریکی مارکیٹ میں اپنی مصنوعات کی مسابقت برقرار رکھنے کے لیے نئی حکمت عملی اپنانا ہوگی۔
دوسری جانب بھارتی حکام نے کہا ہے کہ وہ صورتحال کا جائزہ لے رہے ہیں اور تجارتی معاملات سفارتی سطح پر حل کرنے کی کوشش کی جائے گی
