پاکستان کے معروف سوشل میڈیا اسٹارز ربیکا خان اور حسین ترین اپنی روزمرہ وی لاگز اور مزاحیہ ویڈیوز کی بدولت بے حد مقبول ہیں۔ دونوں سوشل میڈیا پر بڑی فین فالوونگ رکھتے ہیں اور نوجوانوں میں خاص طور پر مشہور ہیں۔
ربیکا خان انسٹاگرام پر تقریباً 63 لاکھ فالوورز، یوٹیوب پر 30 لاکھ سبسکرائبرز اور ٹک ٹاک پر 1 کروڑ 13 لاکھ سے زائد فالوورز رکھتی ہیں۔ حسین ترین بھی انسٹاگرام پر 19 لاکھ اور یوٹیوب پر 12 لاکھ سبسکرائبرز کے ساتھ کافی مقبول ہیں۔
حال ہی میں دونوں نے کراچی میں ایک شاندار تقریب میں شادی کی، جس میں قریبی رشتہ داروں، دوست احباب اور سوشل میڈیا کی دیگر مشہور شخصیات نے شرکت کی۔ اس تقریب کی تصویریں اور ویڈیوز سوشل میڈیا پر وائرل ہو رہی ہیں، جس پر مداحوں نے نیک خواہشات اور مبارکباد کے پیغامات بھیجے۔
