امریکی سینیٹر رافیل وارنوک، جو ڈیموکریٹک پارٹی (ریاستہائے متحدہ امریکہ) سے تعلق رکھتے ہیں اور ایک پادری بھی ہیں، نے ایران میں ایک اسکول پر ہونے والے حملے میں 170 سے زائد طالبات کی شہادت پر شدید ردِعمل ظاہر کیا۔ انہوں نے کہا کہ یہ واقعہ انسانی ضمیر کو جھنجھوڑ دینے والا اور خوف و ہراس پھیلانے والا ہے۔
غیر ملکی میڈیا رپورٹس کے مطابق سینیٹر وارنوک نے کہا کہ اس سانحے کے ذمہ داروں کا احتساب ہونا چاہیے اور اس سے سبق سیکھنے کی ضرورت ہے تاکہ آئندہ ایسے سانحات سے بچا جا سکے۔
دوسری جانب ایران نے اس حملے کا الزام امریکی اور اسرائیلی افواج پر عائد کیا ہے۔ امریکی اخبار نیو یارک ٹائمز کے مطابق فوجی تحقیقات میں یہ بات سامنے آئی ہے کہ مناب اسکول کو نشانہ بنانا امریکی فوج کی جانب سے ہدف کے تعین میں غلطی کا نتیجہ تھا۔
اس واقعے کے بعد عالمی سطح پر تشویش کا اظہار کیا جا رہا ہے اور انسانی حقوق کی تنظیموں نے واقعے کی شفاف تحقیقات کا مطالبہ کیا ہے۔
