ٹرمپ آج شہباز شریف اور فیلڈ مارشل جنرل عاصم منیر سے ملیں گے، میڈیا کو دور رکھا جائے گا

نیویارک ( رپورٹ : محمد فرخ) پاکستان کے وزیراعظم شہبازشریف اور فیلڈ مارشل جنرل عاصم منیر کی صدر ٹرمپ سے ملاقات شام 4 بجے وائیٹ ہاؤس میں ہوگی ۔ ذرائع کے مطابق میڈیا سے خوفزدہ پاکستانی حکومت کی درخواست پر میڈیاکو ملاقات سے دور رکھا جائے گا۔پاکستان کے فوجی سربراہ کل ہی واشنگٹن ڈی سی پہنچے ہیں۔ ان کی ہدایت پروزیرداخلہ محسن نقوی بھی واشنگٹن میں موجود ہیں۔ذرائع کے مطابق پاکستان میں معدنیات کی تلاش اور اس کی کھدائی میں امریکی کردار اور غزہ موضوع بحث ہونگے۔ پاکستان اور افغانستان کے تعلقات پر بھی بات چیت ہوگی۔اس ملاقات کی وجہ سے وزیراعظم شہباز کی جمعرات کے روز اقوام متحدہ میں ساری سرگرمیاں منسوخ کردی گئی ہیں۔ جن میں کمیونٹی ڈنر بھی شامل ہے۔ جس کے لئے منتخب افراد کو Don’t ask Dint tell”کی بنیاد پر مطلع بھی کیا جاچکا تھا۔وزیراعظم جمعہ کو پروگرام کے مطابق اقوام متحدہ کی جنرل اسمبلی سے خطاب کریں گے۔ اس موقع پر پی ٹی آئی نیویارک نے احتجاجی مظاہرے کا اعلان کیا ہے۔
“آواز “اس ملاقات کی خبر سب سے پہلے بریک کرچکاہے۔