لاس اینجلس (آواز نیوز) کیلیفورنیا کے ڈسٹرکٹ 40سے کانگریس کیلئے ہونے والے پرائمری الیکشن میں پاکستانی نژاد امریکی شہری ڈیموکریٹک رہنما ڈاکٹر آصف محمود نے کامیابی حاصل کر لی ہے۔ انہوں نے اپنے مدمقابل کے مقابلہ 11 فیصد زیادہ ووٹ حاصل کئے۔ اس کامیابی کے بعد ان کے لئے اس سال نومبر کے مڈٹرم انتخابات میں کامیابی کا امکان بھی زور پکڑ گیا ہے۔ تا ہم ان کے حریف ری پبلکن امیدوار کا ووٹ بینک ان سے زیادہ بتایا ہے۔ پرائمری میں ڈاکٹر آصف محمود نے اپنے ری پبلکن حریف مینگ کم کے معاملے میں کامیابی حاصل کی۔ وہ ڈیموکریٹک کے واحد امیدوار تھے۔ کیلیفورنیا میں پرائمری کا طریقہ کار دیگر ریاستوں سے مختلف ہوتا ہے۔ متعدد امیدواروں کے درمیان مقابلے ہوتے ہیں پہلے دو نمبر پر آنے والے امیدواروں کے درمیان نومبر کے عام انتخابات میں مقابلہ ہوتا ہے۔ ڈاکٹر آصف کا تعلق کھاریاں (پنجاب) سے ہے۔ انہوں نے جناح پوسٹ گجریجویٹ میڈیکل سینٹر سے میڈیکل کی ڈگری حاصل کی تھی۔ بعد ازاں انہوں نے امریکہ سے بھی ایم ڈی یعنی ڈاکٹر کی ڈگری حاصل کی.ان کے مذہبی نظریات کے حوالے سے بعض حلقے ان پر احمدی فرقے سے تعلق کا الزام بھی عائد کرتے رہے ہیں۔ تا ہم ڈاکٹر آصف محمود ایسی افواہوں کو قطعی رد کرتے ہیں اور ان کا کہنا ہے کہ وہ ختم نبوت پر مکمل یقین رکھتے ہیں۔ گزشتہ دنوں انتخابی مہم کے سلسلے میں نیویارک بھی آئے تھے
بھارت میں اقلیتوں پر تشدد ہندو توا نظریہ اور اس کے نفاذ کی بدترین شکل : منیر اکرم
قانونی مسائل کے باوجود ٹرمپ کو بائیڈن پر واضح برتری
امریکہ غزہ میں جنگ تو بند نہ کراسکا، مگر غزہ کے پناہ گزینوں کو داخلے کی اجازت دینے کو تیار
بائیڈن نے رواں سال عوامی بیانات میں 148 غلطیاں کی ہیں: رپورٹ
امریکی وزیر خارجہ اسرائیل پہنچ گئے؛ جنگ بندی کیلیے پُرعزم